الرئيسية / الطبخ المغربي / عروسة و أول عراضة لك؟؟؟؟؟ آجي نتعاونو عليها

عروسة و أول عراضة لك؟؟؟؟؟ آجي نتعاونو عليها

أول عراضة للعروسة، أول عراضة للعروس، عراضة للعروسة، عراضة للعروس، أول عراضة للأهل العريس، أهل العريس، إفكار لعراضة أهل العريس، عراضة لأهل الزوج، عراضة لأهل العريس، إظافة أهل العريس، عراضة للخطوبة، عراضة للخطبة، وليمة لأهل الزوج، وليمة لأهل العريس، عراضة مغربية، 3rada, 3rada maghribia, aarada, dar l3riss, dar l3ris, fdar, 3rada bisowar, 3rada bisowr, 3rada bi sowar, 3rada bi soware,

عروسة و أول عراضة لك؟؟؟؟؟ آجي نتعاونو عليها

عروسة جديدة ألف مبروك وربي يثبت الغرس، الناس جايين يباركوا لكم انت و راجلك، و قررتوا أو غالبا راجلك هو اللي قرر يدير لهم ضيافة، خايفة، تالفة، مضطربة، و لكن باغية تبيني حنة يديك و تحمري لراجلك وجهو و ترضي ضيوفك؟ توكلي على الله، وآجي نعطيك بعض الأفكارو الإقتراحات، و انتي قرري من بعد:

1. نظفي دارك و شمسيها و هويها

أول عراضة مغربية لأهل العريس بالصور بعد العرس 1

وجدي الفوطات،

أول عراضة مغربية لأهل العريس بالصور بعد العرس 2

لي ناب والمنادل صبنيهم و حدديهم + لي ناب ديال البلاستيك عادة تيتحتاجوبحساب ثلاثة فالطابلة أو أكثر على حسب شحال من نوع ديال الأكل.
و لكن اقتراحي هو حسب أنواع الأكل اللي غادية تقدم و طريقة تناولها، بمعنى إلا كنت غادية تصبي لضيافك الأكل ديالهم كل واحد فالطبق الخاص به، و حطيتي من الأول قدام كل واحد عدد الأطباق المناسب لأنواع الطعام، بلاش منهم غير واحد يكفي: قدمي الأكل فوق الناب ديال الثوب و المنادل ديالو مباشرة حتى يكملو و فوقت تقديم القهوة و الشاي، من الأول اختاري زوج ديال لي ناب ديال الثوب زوينين، فرشي الأول بلا منادل، وفوقو واحد ديال البلاستيك ، عاد الآخر ديال الثوب و المنادل ديالو، و حطي الأطباق و الكيسان و الملاعق و الشوك و السكاكين،( الناب ديال البلاستيك غادي يمنع تسرب أي سائل وقع بالغلط أثناء الأكل).و لما يكملو تناول الديسير هزي الناب الفوقاني و ديال البلاستيك لي تحتو و وزعي المنادل ديال الناب الأول, تنظن هذا أريح لك حيت كلما غيرتي ناب بلاستيك غادية تكوني مضطرة لتغييرالأطباق..إلخ

3rada li ahl l3aris maghribia

فويطات صغار بعدد المدعوين+ 6 احتياط باش تبلليهم بماء زهر أو ماء و كولونيا و تحطيهم وراء الماكلة للضياف باش يمسحوا يديهم باش تنقصي عليك روينة غسيل اليدين: إلا الحال بارد خاصهم يتقدمو سخان: حطيهم فطبق زجاج و من الأحسن يكون هو نفسو لي غادية تقدميهم فيه غطيهم بالبلاستيك الغذائي و دخليهم زوج دقائق للمايكرووند، وإيلا الصيف غير باردين.

أول عراضة مغربية لأهل العريس بالصور بعد العرس 4

2. المواعن:الصواني ديال آتاي, طباسل، كيسان، زلايف، شوك، ملاعق، سكاكن ….إلخ كلشي يتغسل و يتمسح و يتوجد على تيساع .

أول عراضة مغربية لأهل العريس بالصور بعد العرس 5أول عراضة مغربية لأهل العريس بالصور بعد العرس 6أول عراضة مغربية لأهل العريس بالصور بعد العرس 7

وجدي أيضا بلاستيك غذائي/علب بلاستيك بالأغطية ديالها / 4 أحواض= بانيوات بلاستيك كبيرة/1 بانيو بلاستيك كبير:

-البلاستيك الغذائي: أول ما ترجعي طبق أكل رئيسي انتهاوا منو الناس، غطيه مزياان بالبلاستيك الغذائي حتى يمشيو الناس و نشوفو آشنو غاديين نديرو به.
-علب البلاستيك: غادين نحتاجوها فالأخير، من بعد و نقول لك.
-4 أحواض= بانيوات بلاستيك كبيرة: حطيهم بجانب بعض فالمطبخ، أول ما تهزي الطباق و الكيسان ..إلخ من فوق الطبلة، حطي الأطباق فبانيو، الكيسان فبانيو…إلخ باش يسهال عيك الغسيل ديالهم
-بانيو بلاستيك كبير: حطي فيه أطباق التقديم الكبيرة
أول عراضة مغربية لأهل العريس بالصور بعد العرس 89أول عراضة مغربية لأهل العريس بالصور بعد العرس 11أول عراضة مغربية لأهل العريس بالصور بعد العرس 12
3.ديري كريم لرجيلاتك, ماسك لشعرك و لوجهك, حيت الناس جايين يتضايفو و يشوفوك خاصك تكوني مشرقة، ووجدي آشنو غادية تلبسي على تيساع: تيبقى القفطان البلدي المغربي فرأي أحسن اختيار، مستور، شكل جميل، مع شي تخميلة وتزارة مريح للشغل.