الرئيسية / الطبخ المغربي / طريقة تحضير دجاج ديال العراسات بالصور

طريقة تحضير دجاج ديال العراسات بالصور





موقع شهيوتي يقدم لكم: طريقة تحضير دجاج ديال العراسات بالصور

نزولا عند طلبات زائراتنا العديدة ، أحببت أن أشارككم طريقة عمل دجاج ديال العراسات بالصور ، منقولة من أحد المنتديات بانتظار مناسبة قادمة باذن الله أصور فيها الوصفة بالكامل

طريقة تحضير دجاج ديال العراسات بالصور

الوصفة اللي أمامنا عبارة عن وصفة دجاج محمر كيجي مذاق ديال الأعراس بلا منطول عليكم ندوزو المقادير و الطريقة،

مقادير الشرمولة

م صغيرة سكنجبير،نصف م إبزار،نصف م عطرية مروزية،م سمن،ملح،ثوم مطحون،الربيع مكرض، البابة ديال الحامض مصير،زعفران شعرة،

طريقة تحضير دجاج ديال العراسات بالصور 1

طريقة التحضير

كنشدو دجاجة كنغسلوها مزيان بالملح والحامض والطحين ونشلوها،ومنبعد كندهنوها بالملح وأطراف الحامض من برا ومن الداخل وكنخليوها مرقدة فيه هن ساعة حتى لساعتين،

من بعد كنشلوها ونخلوها تسقطر ونمشويو نوجدو الشرمولة،

كنكبو على هادالخليط شوية الماء مــاشي الزيت

وكندهنو بيه الدجاجة مزيان من برا والداخل وكرقدوها فيه ليلة كاملة،

غاتسمحولي حيت مصورتش هاد المراحل كنت شوية مشغولة،

باقي المقادير

المهم في الغد ليه، كنديرو في الطنجرة شوية زيت العود، م كبيرة زبدة، شوية السمن وكنقليو فيه الدجاجة مزيان ومنبعد كنزيد والبصل محكوك أنا اكتفيت بوحدة كبيرة وانتوما على حسب اللي بغيتو، والعطرية اللي بقات لينا من الدجاج نزيدولها شوية الماء ونكبوها على البصلة ونخليو الكل يتقلى مزيان

ومن بعد نضيفو حزمة ديال القزبر ونرويوه بكاس صغير ماء دافئ أكرر كاس صغير باش تجينا متقلية وخاترة والعافية تكون مهيلة،

ومن بعد غادي تشمو واحد الريحة غيتخيليكم ابحال راكم في شي عرس هههه،

ومنين طيب نحمروها ونقدموها بالصحة والراحة،

وذوقو المذاق وردو علي الخبار،

ملاحظة متكتروش من الملح حيت رقدناها في الملح من قبل وحتى الحامض والسمن مالحين،

نخليكم مع الصور

طريقة تحضير دجاج ديال العراسات بالصور 2

طريقة تحضير دجاج ديال العراسات بالصور 3

طريقة تحضير دجاج ديال العراسات بالصور 4

طريقة تحضير دجاج ديال العراسات بالصور 5

طريقة تحضير دجاج ديال العراسات بالصور 6

طريقة تحضير دجاج ديال العراسات بالصور