الرئيسية / الطبخ المغربي / الوجبات / بسيطلات بالدجاج بنينة بالصور

بسيطلات بالدجاج بنينة بالصور

موقع شهيوتي يقدم لكم: بسيطلات بالدجاج بنينة بالصور

السلام عليكم ورحمة الله وبركاته ، لعشاق البسطيلة و خصوصا بسيطلات الدجاج . موقع شهيوتي يقدم لكم وصفة رائعة لإعداد بسيطلات بالدجاج بنينة . و كالعادة الوصفة و طريقة التحضير بالتفاصيل و الصور لمختلف الخطوات .

مقادير بسيطلات بالدجاج

بسيطلات بالدجاج بنينة بالصور 1

غادى نحتاجو
الدجاج انا تندير غير لفخد حيت رطب
الملح ابزار سكنجبير والقرفة عواد والزعفران والخرقوم والسمن والبصلة والمعدنوس مقطع وربع كاس الزيت

طريقة التحضير

نوضعو المقادير كلها فالكوكوط ونخليوها تشحر مزيان

بسيطلات بالدجاج بنينة بالصور 3

ونزيدو ليها كاس صغير الماء انا ايلا كنت مزروبة كنديرو  ويلاعندي الوقت ماكنديروش كيطيب الدجاج غير فالماء ديال البصلة
ونقفلو الكوكوط ويطيب اعلى عافية مهيلة
من بعد ماطاب كنحيد الدجاج و كنزيد العسل الحر ايلا ماعندكمش ديرو السكر
وخاليو كلشي احتا يتشحر مزيان

بسيطلات بالدجاج بنينة بالصور 4

وكنفرتت الدجاج

بسيطلات بالدجاج بنينة بالصور 5

وبعد ماتعسلت البصلة مزيان ابحال هاكا

كنرد الدجاج باش ينسجم امعا البصلة لكوكوط

بسيطلات بالدجاج بنينة بالصور 6

ومن بعد نصفي الخليط انديروه فالكسكاس ونخليوه احتا يطلق كاع المرقة اللي بقات باش ماتفزكش لينا الورقة

بسيطلات بالدجاج بنينة بالصور 7

دابا كندوزو اللوز بعدما تقشر وتقلى وقطعتو بالقطاعة ديال الربيع باش يبقا مهرمش كنزيد اعليه الزا زهر ومعلقة لعسل كيجي المداق رائع احسن من القرفة

بسيطلات بالدجاج بنينة بالصور 8

انا درتهم بسيطلات صغار تقدرو تديروها كبيرة

تنديرهم فزلافة باش ايجيوني مقادين نفرش ورقة ونحط اللوز تم الحشوة ونجمعها ونقلبها ونزيد ليها ورقة اخرى من الفوق

بسيطلات بالدجاج بنينة بالصور 9

بسيطلات بالدجاج بنينة بالصور 10

ملاحضة ايلا كنتو غادي تديروها كبيرة وتطيب فنفس المول كندير الخليط هو الاول عاد نزيد اللوز باش مايتحرقش ليكم

بسيطلات بالدجاج بنينة بالصور 11

ومن بعد ماطابت انحطها فوق الورق باش تنشف من الزيت والزبدة

بسيطلات بالدجاج بنينة بالصور 12
ونقدمها مزينة بالعسل واللوز

بسيطلات بالدجاج بنينة بالصور

نتنممنى تعجبكم الوصفة ، بالصحة و العافية و ما تنساوش تخليو رأيكم في الوصفة